ئێڵ جی چاودێری ماڵ و تەندروستی (LG H&H)
گرووپی سانی
کیچن ئەید
پیشەسازی خۆراکی داس
هێڵی ئاسمانی فلایناس
باخچە و قوتابخانەکانی شاهان
قوتابخانەی ڕۆناکی
زانکۆی تیشکی نێودەوڵەتی
ئێڵ جی
نوکتێک
فیوچەر ستی
کاریەر
وێرپوڵ
ئێڵ جی چاودێری ماڵ و تەندروستی (LG H&H)
گرووپی سانی
کیچن ئەید
پیشەسازی خۆراکی داس
هێڵی ئاسمانی فلایناس
باخچە و قوتابخانەکانی شاهان
قوتابخانەی ڕۆناکی
زانکۆی تیشکی نێودەوڵەتی
ئێڵ جی
نوکتێک
فیوچەر ستی
کاریەر
وێرپوڵ
مێژووی کۆمپانیای خۆشناو چیرۆکی گەشتێکە لە خەونێکی سادەوە بۆ واقیعێکی گەورە، لە کۆمپانیایەکی بچووکەوە بۆ گرووپێکی گەورەی وەبەرهێنان کە کاریگەری لەسەر ژیانی ملیۆنان کەس هەیە. ئەم گەشتە بەردەوامە و بەڵێنی داهاتوویەکی گەشتر دەدات بۆ کوردستان و عێراق.
1983
لەم ساڵەدا بەڕێز غەفور مەجید خۆشناو بە دیدگایەکی ڕوون و ئیرادەیەکی بەهێزەوە بناغەی کۆمپانیای خۆشناوی داڕشت. ئەو کاتە کەم کەس هەستی بەوە دەکرد کە ئەم هەنگاوە سەرەتاییە دەبێتە سەرچاوەی گۆڕانکارییەکی گەورە لە دنیای بازرگانی و وەبەرهێنان لە ناوچەکەدا. بەڕێز غەفور خۆشناو بە پشتبەستن بە بەها کوردەوارییەکان و تێگەیشتنی قووڵ لە پێداویستییەکانی بازاڕی کوردتستان عیراق، توانی بناغەیەکی پتەو بۆ داهاتووی کۆمپانیاکەی دابنێت.
2006
کۆمپانیای خۆشناو هەنگاوێکی مەزنی نا و بووە نوێنەری تایبەتی کۆمپانیای ئێڵ جی (LG) لە عێراقدا و ئەم هەنگاوە تەنها گرێبەستێکی بازرگانی نەبوو، بەڵکو دەروازەیەک بوو بۆ هێنانی نوێترین تەکنەلۆژیا بۆ ناو ماڵەکانی خەڵکی کوردستان و عێراق. لەم قۆناغەدا، کۆمپانیای خۆشناو ڕۆڵێکی گرنگی گێڕا لە بەرزکردنەوەی ئاستی ژیانی خەڵک لە ڕێگەی دابینکردنی ئامێری ئەلیکترۆنی و کەلوپەلی ناوماڵی پێشکەوتوو.
2008
دوو ساڵ دواتر کۆمپانیای خۆشناو هەنگاوێکی تری نا و بووە نوێنەری تایبەتی کۆمپانیای کاریەر (Carrier) لە عێراقدا و ئەم هەنگاوە گرنگییەکی تایبەتی هەبوو، بەتایبەت لە ناوچەکەدا چونکە بە کەشوهەوای گەرمی ناسراوە. لە ڕێگەی ئەم هاوبەشییەوە کۆمپانیای خۆشناو توانی باشترین و نوێترین سیستەمەکانی ساردکردنەوە بگەیەنێتە دەستی هاووڵاتیان، کە کاریگەرییەکی ڕاستەوخۆی هەبوو لەسەر باشترکردنی کوالێتی ژیان.
2011
پڕۆژەی "فیوچەر ستی" لە هەولێر یەکێک بوو لە گەورەترین و گرنگترین پڕۆژەکانی کۆمپانیای خۆشناو. ئەم پڕۆژەیە کە لەسەر ڕووبەرێکی 670,000 مەتر چوارگۆشە بنیاتنرا. تەنها کۆمەڵەیەکی نیشتەجێبوون نەبوو، بەڵکو نموونەیەک بوو لە شارستانیەتی هاوچەرخ. لە "فیوچەر ستی"دا خەڵک نەک تەنها شوێنی نیشتەجێبوون بەڵکو هەموو ئەو خزمەتگوزارییانەیان دەست دەکەوت کە پێویستیان پێی بوو، لە مزگەوت و قوتابخانە تاوەکو ناوەندی وەزشی و ئاسایش.
2013
کۆمپانیای خۆشناو لەم ساڵەدا بووە نوێنەری تایبەتی کۆمپانیای وێرپوڵ (Whirlpool) لە عێراقداو بەم هەنگاوە جارێکی تر دەرفەتی ڕەخساند بۆ هێنانی نوێترین و باشترین ئامێرە ناوماڵییەکان بۆ بازاڕی ناوخۆ. لە ڕێگەی ئەم هاوبەشییەوە کۆمپانیای خۆشناو توانی بەشێوەیەکی تەواوکاری خزمەت بە بەکارهێنەران بکات و پێداویستییە جۆراوجۆرەکانی ناوماڵ دابین بکات.
2014
دامەزراندنی قوتابخانەی شاهان هەنگاوێکی گرنگ بوو لە مێژووی کۆمپانیای خۆشناودا وە ئەم هەنگاوە نیشانەی ئەوە بوو کە کۆمپانیاکە تەنها بیر لە قازانجی ماددی ناکاتەوە، بەڵکو گرنگی بە پەروەردە و پێگەیاندنی نەوەی داهاتوو دەدات. قوتابخانەی شاهان بە پەیڕەوکردنی سیستەمی خوێندنی نوێ و پێشکەوتوو بووە ناوەندێک بۆ پەروەردەکردنی نەوەیەکی ڕۆشنبیر و خاوەن توانا.
2016
بوون بە هاوبەشی سەرەکی زانکۆی نێودەوڵەتی تیشک هەنگاوێکی گەورە بوو لە بواری خوێندنی باڵادا. ئەم زانکۆیە کە لەسەر پێوەرە نێودەوڵەتییەکان دامەزراوە و دەرفەتی خوێندنی باڵای بۆ هەزاران گەنج ڕەخساندووە. هەروەها بووە ناوەندێک بۆ توێژینەوەی زانستی و پەرەپێدانی توانا مرۆییەکان.
2020
دامەزراندنی " سایلۆ و کارگەی خۆراکی داس" هەنگاوێکی گرنگ بوو بەرەو دابینکردنی ئاسایشی خۆراک لە تەواوی عێراق. ئەم پڕۆژەیە، کە یەکێکە لە گەورەترین پڕۆژەکانی بەرهەمهێنانی خۆراک لە هەرێمی کوردستان و عێراق و ڕۆڵێکی گرنگ دەگێڕێت لە دابینکردنی خۆراکی باش و خاوێن بۆ هاووڵاتیان.
2021
دامەزراندنی کارگەی پۆڵا لە هەولێر دواترین بەڵام نەوەک کۆتا هەنگاوی کۆمپانیای خۆشناو بوو. ئەم پڕۆژەیە کە لەسەر ڕووبەرێکی 225,000 مەتر چوارگۆشە دامەزراوە وڕۆڵێکی گرنگ دەگێڕێت لە بەهێزکردنی ژێرخانی پیشەسازی لە هەرێمی کوردستان و عێراقدا.
ئەمڕۆ
کۆمپانیای خۆشناو بە مێژوویەکی پڕ لە سەرکەوتن و داهێنان، بەردەوامە لە گەشەکردن و خزمەتکردن و لە هەر بوارێکدا کە کاری تێدا کردووە - چ بازرگانی بێت یاخود پیشەسازی تا خوێندن یان نیشتەجێبوون - هەوڵی داوە ببێتە پێشەنگ و نموونە. ئەمڕۆ کۆمپانیای خۆشناو نەک تەنها ناوێکی بازرگانییە بەڵکو هێمایەکە بۆ متمانە، کوالێتی و بەرپرسیارێتی کۆمەڵایەتی.
English
عربي
کوردی